15-May oo maanta laga xusay Muqdisho.

(Mogadishu, Thursday ,15,May 2008,(Hornafrik Media)

Munaasabad lagu waynaynayay maalinta dhalinyarada soomaaliyeed ee 15-May ayaa maanta ka dhacday qeybo ka mid ah Magaalada Muqdisho.

Ururkii Dhalinyarada SYL oo ku beeganeyd 15-May 1943 ayaa waxaa maanta lagu qabtay Munaasabad luga xusay Maalinaas qeybo badan oo ka mid ah Gobolada Dalka iyo Caasimadda Soomaaliya ee Magaalada Muqdisho.

Munaasabadaan oo maanta si heer sare ah uga dhacday Hotel-ka Saxafi Tow ee Magaalada Muqdisho ayaa waxaa ka soo qeyb galay dad aad u fara badan, kuwaas oo ka kala socday Bulshada Rayidka ah.

Sanad waliba ee 15-ka bishaa May waxaa dhacda amaba la qabtaa Xus lagaga gol leeyahay Dhalinyaradii Ururkaasi waxyaabihii ay ku qabteen sida Xornimadii ay u soo hooyeen Dalka Soomaaliya iyo shacabkiisa intaba, waxaana laga  doonayaa Dhalinyarada xiligan si loo gaaro Xornimada ay keeneen oo kale ama mid ka sareysa in ay kaga daydaan geesinimadii 15-kaas dhalinta Soomaaliyeed ah.