3 qof oo ku geeriyootay weerar ka dhacay maanta deegaanka Leego.

(Mogadishu, Thursday ,15,May 2008,(Hornafrik Media)

sadex qof ayaa ku geeriyootay 4 kalena waa ay ku dhaawacmeen labo ka mid ah yihiin ciidamada booliska ee gobolka shabeelaha Hoose iska Hor’imaad Maantay ka dhacay deegaanka leego ee gobolkaasi kaasoo u dhaxeeyay ciidamada Booliska dowladda iyo kooxo hubeysan oo weeraray barkoontarool oo ay joogeen ciidamada dowlada.

Dagaalkaani oo ahaa mid gaadmo ah ayaa la sheegay inay soo qaadeen kooxo hubeysan oo ana ilaa iminka la sheegin ujeedadooda.waxabna dhacdadaan u xaqiijiyay Hornafrik gudoomiye kuxigeenka dhanka amaanka ee gobolka shabeelaha Hoose Maxamed Maxamuud Cilmi.

Qaar ka mid ah saraakiisha gobolka shabeelaha Hoose ayaa sheegay in falal amaan dari ah ay gobolka baryahaan ka jirto iyadoo dhowr mar horey halkaasi loogu weeraray ciidamada itoobiya.

Dhawaan ayay ahayd markii gudoomiyeha gobolka shabeelaha uu sheegay in maamulkiisa uusan waxba ka qaban Karin amaanka gobolka inta ciidamada gobolkaasi la siinayo mushaarad toos ah oo ay shaqada ku qabtaan.