(Mogadishu, Wednesday ,14,May 2008,(Hornafrik Media)

Hal qof oo rayid ah ayaa ku geeriyooday mid kalena waa uu ku dhaawacmay kadib markii ciidamada dowladda KMG ah ay rasaas ku fureen gaari marayay wadada Ex-control Afgooye ee duleedka Magaalada Muqdisho.

Dhimashada qofka rayidka ahi ayaa timid kadib markii askari ka tirsan ciidamada dowladda kmg ah uu rasaas ku furay gaari nuuca xaragada ah kaasoo uu saarnaa ruuxa geeriyooday oo la sheegay in rasaasti ka haleeshay Madaxa iyadoo sidoo kale wadihii gaarigaasi uu isna dhaawac fudud soo gaaray.

Nin ay ilma adeer ahaayeen ninka dhintay ayaa sheegay in ciidamada dowladda ee kusugan Ex-control afgooye labo askari oo ka tirsan uu mid ka mid ah falkaasi gaystay xili uu ku amray inay joojiyaan gaariga deetanada uu rasaasta la beegsaday.