(Mogadishu, Saturday ,16, February 2008,(Hornafrik Media)

iska hor’imaad xoog leh oo u dhaxeeyay Ciidamo katirsan dowladda kmg ah iyo kooxo hubeysan ayaa xalay saqdii dhexe ka dhacay isgoyska Hollwadaag ee Magaalada Muqdisho iyadoo saaka gabi ahaanba ay xiran yihiin goobo ganacsiga qeybo ka mid ah suuqa Bakaaraha kadib Ciidamo katirsan dowladda oo rasaas iska ridaya.

Israsaaseyn xoogan oo saacado socotay ayaa xalay si wayn u ruxaday deegaanada ku teedsan wadada koowaad ee suuqa Bakaaraha,iyadoo daryanka madaafiicda u dhexaysay Ciidamo katirsan dowladda kmg ah iyo kooxo hubeysan si wayn looga maqlayay qeybaha kala duwan ee caasimada Magaalada Muqdisho.

waxaa saaka xiran dhamaan goobaha meherada ganacsiga  wadada koowaad ee suuqa Bakaaraha oo maalmahana xanibaadi ku timid ka dib markii ay israsaaseyn xoogani ku dhexmartay ciidamo halkaasi fariisinka ka dhigatay iyo kooxaha hubeysan ee diidan siyaada dowladda iyo joogitaanka ciidamada itoobiyaanka waxana mararka qaar ciidamadu rasaas ay ku soo ridayaan wadada 1=aad ee suuqa,iyadoo rasaas wiifto ah ay dhaawac u gaystay dad rayid ah.

Lama oga khasaaraha dagalkaani uu gaystay gaar ahaan dhinacayada dagaalamay ayaan inta badan la ogeyn khasaaraha kala gaara,balse dhimasho iyo dhaawac badan ayaa waxa ay soo gaartaa dadka rayid ah markii dagaal caynkaan ah uu dhaco iyadoo aysan jirin cid wax iska waydiisa khasaaraha rayidka

wixii ku soo kordha kala soco wararkeena dambe.