Ciidamada itoobiya oo siidaayay culuma Taqbliiq ah.

(Mogadishu, Tuesday,13,May 2008,(Hornafrik Media)

Waxaa la siidayay culumo tabliiq ah oo maanta gudaha Magaalada Baladweyne ee gobolka Hiiraan ay ka qabteen ciidamada itoobiyaanka ee Magaaladaasi fariisinka ka samaystay.

Waxa dib xoriyadoodii u helay ilaa 15 ka mid ah culumada tabliiqa oo ciidamada itoobiya Ka kaxeysteen gudaha Magaalada Baladweyne kuwaas oo ku sii jeeday Masjid kuyaala xaafada Buula xaadlay ee Magaalada Baladweyne kadib dadaalo ay sameeyeen waxgaradka ku dhaqan degmadaasi.

Macada ilaa hada sababta dhabta ah ee ciidamada itoobiya culumadaasi ku qabteen una kaxaysteen iyadoo culumadaasina la geeyay deegaanka Janta-kundishe ee duleedka magaaladaasi oo ay fadhiisin ku leeyihiin ciidamada itoobiya.

Qaar ka mid ah culumada tabliiqa ayaa sheegay in su’aalo la waydiiyay iyagoo dhinaca kale ay sheegeen inay ilaahay barbaryayaan hadii mar uu ka soo bixiyay gacanta ciidamada anaajibta ee itoobiya.

Dadka ku dhaqan degmada Baladweyne ayaa aad uga carooday talaabada itoobiyaanku ku xireen culumadaasi waxana ay sheegeen inay tahay wax aan looga baahnayn ciidamada itoobiya.

Dhawaan ayay ahayd markii ciidamada itoobiya ay Masjidka culumadaasi caanka ku tahay ee Al Hidaya oo Magaalada Muqdisho kuyaala ay ku dileen 21 qof oo 11 ka mid ah ay ahaayeen culumada Tabqliqa waxana ka mid ahaa sheekhii imaamka ka ahaa masjidka Al Hidaya sheikh Saciid Yaxye,iyadoo la sheegay in qaar ka mid ah culumadaasi ay gowraceen ciidamada itoobiya.