Kooxda la socodka hubka Somalia oo mudadii loo kordhiyay.

(Mogadishu, Wednesday ,30,April 2008,(Hornafrik Media)

Golaha amaanka ee Qaramada midoobay ayaa ayaa waqtiga u kordhiyay kooxdii u xil saarnayd la socodka hubka ee arrimaha Soomaaliya xili dalka ay kusugan yihiin ciidamo fara badan oo ajaanib ah.

Kulan ay isugu yimaadeen 15 xubnood ee golaha amaanka ayay ku ansixiyeen go’aanka waqtiga loogu daro kooxda la socodka hubka soomaaliya.

Kooxdaan oo la sameeyay sanadkii 2003-dii ayaa waxa koontarooshaa hubka la soo galiyay dalka soomaaliya waxana ay hoos tagtaa qaramada midoobay

Qaar ka mid ah dadka rayiga cabira ayaa sheegay in kooxdaani aysan wax muhiimad ah ka ahayn arrimaha hubka ee soomaaliya oo qaramada midoobay ay horey soomaaliya u saartay cunaqabayn dhanka hubka ah,maadaama ciidamo badan ay joogaan soomaaliya,iyadoo qaramada midoobay aysan ansixin soo galintaanka ciidamada itoobiya dalka soomaaliya.

Qaraarkan waqtiga loogu daray kooxda la socodka hubka soomaaliya la soo galiyo ayaa waxa hada la sheegayaa inay eegayaan dalal gaar ah oo hub ku soo daabula gudaha soomaaliya,laakin dalalkaasi lama carabaabin.