Banaanbax ka dhan ah WFP oo ka dhacay J/dhexe.

(Mogadishu, Monday ,28,April 2008,(Hornafrik Media) Banaanbax si weyn loo soo agaasimay looga soo horjeedo qaabka hay’ada cuntada aduunyada ee marka magaceeda la soo gaabiyo loo yaqaano WFP ayaa maanta ka dhacay bartamaha magaalada Bu’aale ee xarunta u ah gobolkaasi J/dhexe. 

Tiro dada oo watay boorar ay ku qornaayeen erayo lid ku ahaa sida saraakiisha hay’ada WFP ay cuno qaybinta uga wadaan gudaha deegamada hoos taga maamulka gobolka ayaa isugu soo baxay Bu’aale. 

Dadka ayaa si weyn u dhaliilsan raashinka hay’ada ee lagu keydinayo baqaarada waa weyn ee ku yaala xarunta gobolka, xili gaajo iyo sicirbarar baahsan uu ka jiro halkaasi. 

Banaanbaxaasi ayaa ahaa kii ugu horeeyay oo looga horjeedo hay’ada oo lagu oogo gudaha magaalada Bu’aale.  

Ilaa iyo iminkana ma jiraan wax jawaab bixin ah oo ka soo baxay mas’uuliyiinta WFP ee ka howl-galaya iminka J/dhexe.