5 ruux oo ku dhaawacantay israsaaseyn ka dhacday Ceelasha Biyaha

(Mogadishu, Tuesday,13,May 2008,(Hornafrik Media)

Ugu yaraan 5 qof oo labo ka mid ah ay ahaayeen ciidamo ka tirsan booliska gobolka shabeelaha Hoose ay ku dhaawacmeen rasaas ay fureen ciidamo kale oo ka tirsan dowlada kmg ah oo marayay deegaanka ceelasha biyaha.

Halka dhibaatadani ka dhacay waxa la yiraahdaan Kaam qoryoolay oo ay deganyihiin dadka ka barakacay Magaalada Muqdisho.

Waxa wararku sheegayaan in israsaaseyntaasi dadku ku dhaawacmay ay dhexmartay labo ciidan oo ka wada tirsan dowladda kmg ah ee soomaaliya.

Warar madaxbanaan ayaa sheegaya in ciidamo milatari ah oo wadada marayay ay ku amreen askari boolis ah in qoriga uu wato uu dhulka dhigo asna uu ka madax adeegay islamarkaana ay bilaabatay israsaaseyntaasi.