Ciidamada itoobiya oo nin rayid ah ku toogtay gudaha Magaalada Baydhabo.

(Mogadishu, Tuesday,13,May 2008,(Hornafrik Media)

Ciidamada itoobiya ee kusugan magaalada Baydhabo ayaa nin rayid ah maanta ku toogtay gudaha Magaaladaaasi xili ay halkaasi marayay.

Wadooyinka dhan Magaalada Baydhabo waxa maantay buuxiyay ciidamo itoobiyaan ah iyagoo ay ka muuqatay foojignaan wayni.

Ciidamo booliska ah oo ka tirsan dowladda kmg ah ee soomaaliya ayaa ka sameeyay gudaha magaalada Baydhabo baaritaano.

Dilkaan ciidamada itoobiya u gaysteen ninka rayidka ahaa waxa uu ka dhacay afaafka hore ee saldhiga yaraha Magaaladaasi xili la sheegay inay baaritaan ku sameeyeen marxuunkaasi.

Mid ka mid ah ciidamada itoobiyaanka oo la sheegay inuu dhex taagnaa wadada ayaa la sheegay inuu inta u yimid ninkii rayidka ahaa ee baarista Lagu waday qalaanqaliyay deetana uu toogtay.

Macada sababta ciidamada itoobiya u dileen ninkaasi rayidka ah waxana la sheegayaa in meydkiisa uu yaalay intii ciidamada itoobiya ay halkaasi joogeen,iyadoo guud ahaan dadka reer baydhabo ay ka argagaxeen falkaani.

Dhawaan ayay ahayd markii ciidamada itoobiya oo qaar kood lagu qarxiyay gudaha Magaalada Baydhabo ay iyana dileen in ka badan 15 ruux oo rayid ah mana jirto cid wax iska waydiisay khasaaraha itoobiyaanku u gaysteen rayidka.